ԲՀԿ-ն խորհրդարանի լուծարումը խոչընդոտելու միտում չունի: Այդ մասին այսօր խորհրդարանում լրագրողների հետ զրույցում ասաց ԲՀԿ խմբակցության քարտուղար Վահե Էնֆիաջյանը: Հիշեցնենք, նման ահազանգ այսօր հնչեցրեց «Լուսավոր Հայաստան» կուսակցության նախագահ Էդմոն Մարուքյանը: Խնդիրը վերաբերում է ԱԺ կանոնակարգ օրենքում «Ծառուկյան» խմբակցության պատգամավոր Գեւորգ Պետրոսյանի առաջարկած փոփոխությանը, որին սատարում է նաեւ ՀՀԿ-ն:
Վահե Էնֆիաջյանը հավաստիացնում է`ԲՀԿ-ի միտումները հետեւյալն է` քննարկումներ սկսել արտահերթ խորհրդարանական ընտրություններ անցկացնելու հարցով:
Դիտարկմանը`մտահոգություններ կան, որ եթե Նիկոլ Փաշինյանը հրաժարական տա վարչապետի պաշտոնից, մյուս քաղաքական ուժերի կողմից կարող է վարչապետի այլ թեկնածու առաջադրվել եւ ԱԺ նիստերն այնքան հետաձգել`մինչեւ ընտրվի իրենց հարմար թեկնածուն, Վահե Էնֆիաջյանը պատասխանեց. «Վաղը մենք քվեարկությամբ մեր դիրքորոշումը կհայտնենք: Բայց վստահեցնում եմ ձեզ՝ խոչընդոտելու միտում մենք չենք ունեցել եւ չի էլ կարող լինել: Մեր միտումը հետեւյալն է՝ ունենալ քննարկումներ առաջիկայում արտահերթ խորհրդարանական ընտրություններ կազմակերպելու համար»:
Այս առիթով լրագրողների տարատեսակ հարցերին, Վահե Էնֆիաջյանը նույն պատասխանը տվեց:
Նելլի ԳՐԻԳՈՐՅԱՆ
