Այսօր խորհրդարանական ուժերը փորձում են այլ մեկնաբանություններ տալ սահմանադրական այն նորմին, եթե վարչապետը հրաժարական է տալիս եւ երկու անգամ`14 օրվա ընթացքում, վարչապետ չի ընտրվում, ԱԺ-ն լուծարվում է եւ խոչընդոտել խորհրդարանի լուծարմանը: Այս մտահոգությունը խորհրդարանում, լրագրողների հետ զրույցում բարձրաձայնեց «Լուսավոր Հայաստան» կուսակցության նախագահ Էդմոն Մարուքյանը:
«Այսինքն՝ անում են այն, որ եթե խոչընդոտներ լինեն, պատգամավորները չկարողանան մտնել շենք, դրա հիման վրա կհամարվի որպես արտակարգ իրավիճակ, նիստը կհամարվի չկայացած: Սրա իմաստն այն է, որ չցրվի խորհրդարանը»,- ասաց նա`անդրադառնալով «Ծառուկյան» խմբակցության պատգամավոր Գեւորգ Պետրոսյանի առաջարկած ԱԺ կանոնակարգի փոփոխություններին:
«Եթե չլինի խորհրդարանը ցրելու քաղաքական կոնսենսուս, կարող են այս ճանապարհն էլ փակել»,- ասաց Էդմոն Մարուքյանը:
Հարցին`ԲՀԿ-ն փորձում է ՀՀԿ-ի հետ խոչընդոտե՞լ խորհրդարանի արձակման գործընթացին, Էդմոն Մարուքյանը պատասխանեց` այս ամենից պետք է հետևություններ անել, իսկ քաղաքական գնահատականն իրենք կտան ավելի ուշ:
Մանրամասները`տեսանյութում
Նելլի ԳՐԻԳՈՐՅԱՆ
