«Երևան, իմ սեր» հիմնադրամն հոկտեմբերի 1-ին Սբ Սարգիս եկեղեցու հարևանությամբ ապրող տարեցներին եւ Նորքի տուն-ինտերնատի բնակիչների համար օրվա խորհրդին համահունչ միջոցառում էր կազմակերպել:
Տասն օր առաջ հիմնադրամը հյուրընկալել էր փոքրիկներին, իսկ այսօր արդեն տարեցներին: Տարեցների միջազգային օրվա առիթով տատիկ-պապիկների մանկության եւ երիտասարդության տարիների սիրելի երգերը հնչեցին: Դրանք կատարեցին «Լապտերներ» մանկական նախագծի անդամները:
Օրվա հերոսները ոչ միայն երգել են, նրանցից ոմանք անգամ հիշարժան ակնթարթն անմահացրել են՝ լուսանկարել, որ հետո ցույց տան հարազատներին:
«Երևան, իմ սեր» հիմնադրամի տնօրեն Արշակ Կարապետյանն ասաց, որ տարեցները մշտապես եղել են հիմնադրամի ուշադրության կենտրոնում: Իսկ «Լապտերների» երաժիշտներին Կարապետյանը նվիրեց ՀՀ նախագահի տիկին Նունե Սարգսյանի հեքիաթների ժողովածուն:
Անահիտ ՍԱՐԳՍՅԱՆ
