Սահմանամերձ համայնքների բնակիչները ցորեն, գարի եւ այլ կերային մշակաբույսեր ցանելու դեպում մեկ հեկտարի դիմաց 60 հազար դրամի սուբսիդիա կստանան: Այսօր Ֆեյսբուքի իր էջի ուղիղ եթերում այս մասին ասաց վարչապետ Նիկոլ Փաշինյանը: Նա ներկայացրեց աշնանացանի սուբսիդավորման ծրագիրը՝ նշելով, որ խոսքը մեկ հեկտարից 7 հեկտար կատարված ցանքի մասին է:
«Պետք է արձանագրենք, որ հիմա մենք համակարգային տնտեսական ճգնաժամի մեջ ենք: Այսօր խնդիր ունենք մեր տնտեսության կառուցվածքի հետ եւ այն պետք է վերափոխենք այնպես, որ մենք ագրարային երկրից վերածվենք արդյունաբերական երկրի: Սրա, որպես նախաքայլ, մենք դիտարկում ենք ե՜ւ գյուղում, ե՜ւ քաղաքում աշխատանքը խրախուսելու գործընթացը: Մենք ամեն ինչ անելու ենք, որպեսզի մարդը աշխատի: Մենք խրախուսելու ենք, ոչ թե աղքատությունը, այլ՝ աշխատանքը: Եվ այս որոշումները տեղավորվում են հենց այս կոնտեքստում եւ հետագա քննարկումների, որոշումների ժամանակ նույնպես մենք փորձելու ենք այդ խնդիրը լուծել»,-ասաց Նիկոլ Փաշինյանը:
Լուսինե ԲՈՒԴԱՂՅԱՆ
