«Ելք» դաշինքի երկու գործիչները կրում են հայկական արտադրության ժամացույցներ

ՀՀ վարչապետ Նիկոլ Փաշինյանը երեկ իր ֆեյսբուքյան էջում հաղորդել էր. «Փաստորեն երկար ժամանակ քննարկվում է, թե իբր ես 50 հազար դոլարանոց ժամացույց եմ կրում (այսպիսի գին վերագրվել է մասնավորապես աջ կողմի ժամացույցիս), իսկ ես տեղյակ չեմ։

Ուրեմն, հայկական արտարդրության այս ժամացույցները Երեւանի AWI խանութում վաճառվում են 76 հազար (ձախ կողմինը) և 105 հազար (աջ կողմինը) դրամներով:

Մեզ մի քիչ էլ զեղչով են վաճառել: Այս ժամացույցները գնել ենք իմ այն խոստման շրջանակում, որ պիտի կրեմ միայն հայկական արտադրության հագուստ, կոշիկ, ժամացույց:

Գրառմանս իմաստը նաեւ հայկական արտադրանքը քարոզելն ու արտադրողին, ներդրողին քաջալերելն է:

Հայաստանը պիտի դարձնենք արդյունաբերական երկիր:)»:

Այս գրառումից հետո «Ելք» դաշինքի մեկ այլ գործիչ՝ «Լուսավոր Հայաստան» կուսակցության նախագահ Էդմոն Մարուքյանն էլ է հաղորդել. «Միանալով վարչապետի տեղական արտադրողին աջակցելու կոչին տեղեկացնեմ, որ 2012 թվականից ոսկեգույնն եմ կապում, իսկ մյուսը 2017 թվականից։ Շատ որակով են և գեղեցիկ տեսք ունեն։ Այսպիսով՝ աջակցենք մեր արտադրողներին:
P. S. Եթե չեմ սխալվում ոսկեգույնը 110.000 դրամ էր, իսկ արծաթագույնը 90.000 դրամ։