ԳԱԱ նախագահ Ռադիկ Մարտիրոսյանը մեծ առավելություն չի համարում դիվանագիտական անձնագիրը, որից զրկվել է կառավարության որոշմամբ:
«Չեմ կարծում, որ մեծ առավելություն է, որը եթե չլինի, իմ գործերը կտուժեն: Չեմ իմանում՝ ինչ է փոխվել, որ առաջ հասնում էր, հիմա չի հասնում»,- ասաց Ռադիկ Մարտիրոսյանը:
Նա ասաց, որ երբեմն օգտագործել է դիվանագիտական անձնագիրը, բայց չի պատրաստվում պարզաբանել, թե ինչու են զրկել:
Կառավարության որոշմամբ անձնագրից զրկվել է նաեւ նախկին մարդու իրավունքների պաշտպան (ՄԻՊ) Կարեն Անդրեասյանը, որը չցանկացավ կառավարության որոշման մասին կարծիք հայտնել:
Իսկ նախկին վարչապետ Հրանտ Բագրատյանն ասաց՝ առաջին անգամ է լսում, որ իրեն զրկել են դիվանագիտական անձնագրից իշխանությանը հրապարակային քննադատելու համար ու հրաժարվեց որոշման մասին կարծիք հայտնել:
Արփինե ՍԻՄՈՆՅԱՆ
Դու դեռ ԳԱԱ նախագա՞հն ես: Տէր Աստուած, մեր ո՞ր մեղքի համար:
Կենսաբանութեան ֆակուլտետում զառամեալ դասախօսներ ունէինք, որ ասում էին «ես յիշում եմ ԴՆԹ-ի յայտնաբերման տարիները»: Ծիծաղում էինք, բայց լացելու բան էր: Կամ էլ դասախօսութեան էին գալիս, բառիս բուն իմաստով, դեղնած թղթերով (երեւի կեանքում համակարգիչ չէին էլ տեսել): Յետագայում դրանց մի մասին փոխարինեցին ՀՀԿ կարիերիստները, որոնք դպրոցական մակարդակի գիտելիքներ անգամ չունէին (անկեղծ եմ ասում՝ չեմ չափազանցնում): Արդիւնքում Հայաստանում բնագիտութիւնը մեռաւ: Նայէք բնագիտական ուղղութիւնների ընդունելութեան յայտերը եւ կը համոզուէք:
Իսկ էսօր էս մարդը վեր է կենում ու իրենից գոհ-գոհ ելոյթներ է ունենում 🙁