Սեպտեմբերի 28-ին ՀՀ ԱԺ ֆինանսավարկային եւ բյուջետային հարցերի մշտական հանձնաժողովի նիստում Գագիկ Մինասյանի նախագահությամբ երկրորդ ընթերցմամբ քննարկվել է «Հայաստանի Հանրապետության հաշվեքննիչ պալատի մասին» ՀՀ օրենքում փոփոխություններ կատարելու մասին» օրինագիծը: Նախաձեռնությունը ստացել է դրական եզրակացություն՝ ԱԺ հերթական նիստերի օրակարգի նախագծում ընդգրկվելու համար:
ԱԺ ֆինանսավարկային եւ բյուջետային հարցերի մշտական հանձնաժողովի նախագահի տեղակալ է ընտրվել ՀՀ ԱԺ «Ելք» խմբակցության անդամ Հայկ Կոնջորյանը:
Հիմնավորելով անհրաժեշտությունը՝ Գագիկ Մինասյանն առաջարկել է հանձնաժողովի կազմում ստեղծել հաշվեքննության եւ աուդիտի հարցերի ենթահանձնաժողով, ինչը միաձայն ընդունվել է:
Որոշվել է հետաձգել նորաստեղծ ենթահանձնաժողովի նախագահի ընտրության հարցը:
Հանձնաժողովի նախագահը տեղեկատվություն է հաղորդել ԱԺ պատվիրակության Ուելս եւ Շոտլանդիա կատարած գործուղման վերաբերյալ:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՀԱՆՐԱՅԻՆ ԿԱՊԵՐԻ ՎԱՐՉՈՒԹՅՈՒՆ
