Դատավոր Արմեն Բեկթաշյանի որոշմամբ այսօր կալանքից ազատ արձակվեց 2015թ. Նորքում վնասազերծված «զինված խմբի» անդամներից Գեւորգ Ջնդոյանը: Նրա հանդեպ գրավ սահմանվեց՝ 1 մլն դրամ: Այն դեռ փոխանցված չէ դատարանի դեպոզիտ-հաշվին: Վճարելուց հետո Ջնդոյանն ազատ կարձակվի:
Այս գործով կալանքի տակ է մնում միայն «Հայոց վահան» կազմակերպության ղեկավար Արթուր Վարդանյանը, որը, ըստ գործի նյութերի, խմբի պարագլուխն է համարվում:
Հիշեցնենք, որ խմբի անդամները մեղադրվում են հանցավոր գործակցություն ձեւավորելու, ապօրինի զենք-զինամթերք պահելու-փոխադրելու, իշխանությունը յուրացնելու նախապատրաստության համար: Մասնավորապես, ըստ քրեական գործի նյութերի, նրանք մտադրվել էին խոցել այդ ժամանակ ՀՀ նախագահ Սերժ Սարգսյանի ինքնաթիռը։ Նրանք մեղադրանքը չեն ընդունում:
Լուիզա ՍՈՒՔԻԱՍՅԱՆ
