Հոկտեմբերի 4-ին Երևանում կկայանա աշխատաժողով, որի ուշադրության կենտրոնում կլինի փոքր և միջին ձեռնարկությունների (ՓՄՁ-ներ) վերաբերյալ վիճակագրության բարելավման հարցը: Աշխատաժողովը կազմակերպվում է ԵՄ-ի կողմից ֆինանսավորվող «EU4Business. քաղաքականությունից դեպի գործողություն» տարածաշրջանային ծրագրի շրջանակում:
Աշխատաժողովը ներառելու է Հայաստանում ՓՄՁ ոլորտի վերաբերյալ վիճակագրական հաշվետվության տվյալների շնորհանդես՝ ներկայացնելով գործարարության ոլորտի կառուցվածքային վիճակագրությունը և գործարար ժողովրդագրության վիճակագրությունը:
Այն նաև հնարավորություն կտա քննարկել միջազգային լավագույն փորձերի վրա հիմնված վիճակագրության տարածմանն առնչվող հիմնահարցեր: Գործարար վիճակագրության տարածման լավագույն փորձերը կներկայացնի նախկինում Eurostat-ում աշխատած միջազգային ավագ փորձագետը:
Աշխատաժողովի վերաբերյալ լրացուցիչ տեղեկատվություն կարելի է գտնել այստեղ:
EU NEIGHBOURS east
