Ավտոմեքենան սահել է ձորակը

Սեպտեմբերի 28-ին, ժամը 08:42-ին «911» ծառայությանը տեղեկություն է հաղորդվել, որ Երևան-Սևան ավտոճանապարհի 20-րդ կմ-ին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը։

Դեպքի վայր է մեկնել ՀՀ ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:

Պարզվել է, որ բախվել են «Volkswagen Jetta» մակնիշի (վարորդը` Գ. Թ., ծնված 1965 թ.) և «Opel Zafira» մակնիշի ավտոմեքենաները (վարորդի ինքնությունը չի հաջողվել պարզել): «Volkswagen Jetta» մակնիշի ավտոմեքենան սահել է ձորակը՝ մոտ 15 մ:

Փրկարարները Գ. Թ.-ին, ուղևորներ՝ Ն. Մ.-ին (ծնված 1992 թ.), Ն. Մ.-ին (ծնված 1995 թ.), Ռ. Զ.-ին և Ի. Ա.-ին (ծնված 1983 թ.) մոտեցրել են շտապօգնության ավտոմեքենային: Տուժածները հոսպիտալացվել են Աբովյանի ԲԿ, որտեղ Ի. Ա.-ն մահացել է, Ն. Մ.-ի (ծնված 1992 թ.), Գ. Թ.-ի, Ռ. Զ.-ի առողջական վիճակը բժիշկները գնահատել են բավարար: Ն. Մ.-ն (ծնված 1995 թ.) տեղափոխվել է «Սուրբ Գրիգոր Լուսավորիչ» ԲԿ, որտեղ բժիշկները նրա առողջական վիճակը գնահատել են կայուն ծանր:

Փրկարարները հոսանքազրկել են ավտոմեքենաները:

ՀՀ ԱԻՆ