ԱԺ նախկին պատգամավոր Առաքել Մովսիսյանը (Շմայս) չի նեղվել դիվանագիտական անձնագրից զրկվելու կառավարության որոշումից:
«Ինձ չի էլ հետաքրքրում սկի, էն ժամանակվանից մնացել ա, չեմ էլ օգտագործել սկի, ոչ էլ կարիք ա եղել օգտագործելու, ժամկետն էլ անցած ա, մնացել ա դարակում, չեմ էլ օգտագործել…հետո ինչ տարբերություն դիպլոմատ պասպորտ, թե կապույտ պասպորտ, հանցանքի դեպքում ոչ մի բան քեզ չի տալիս էդ»:
Մեր հարցին, թե հանցանքի դեպքում, եթե ինչ-որ եղանակ փոխեր դիվանագիտական անձնագիրը, ձեզ այն պետք կլիներ, Առաքել Մովսիսյանը կրկնեց, որ այն իրեն երբեք պետք չի եկել:
Ինչ վերաբերում է մի շարք այլ նախկին պաշտոնյաներին եւս դիվանագիտական անձնագրերից զրկելու կառավարության որոշմանը՝ նախկին պատգամավորն ասաց՝ «չեմ էլ ուզում հետաքրքրվեմ նման բաներով»:
Արփինե ՍԻՄՈՆՅԱՆ
