Հայաստանի մարդու իրավունքների պաշտպան Արման Թաթոյանը իր աշխատանքների կարեւորագույն ուղղություններից է համարում հեռախոսային խոսակցությունների գաղտնիության պաշտպանությունը։ Այսօր կառավարության նիստից հետո լրագրողների հետ զրույցում անդրադառնալով նախօրեին ՀՀ ԱԺ Քննիչ հանձնաժողովի որոշմանը, որ նիստերին պետք է ներկա լինի նաեւ ՀՀ մարդու իրավունքների պաշտպանը՝ ասաց, որ հրավերը ստանալու դեպքում մասնակցության հարցը կքննարկի. «Հրավերի դեպքում որոշումը կկայացնեմ, կքննարկեմ»։
Հիշեցնենք, որ քննիչ հանձնաժողովը զբաղվելու է ԱԱԾ տնօրենի և ՀՔԾ պետի հեռախոսազրույցի գաղտնալսման հարցով:
Արփինե ՍԻՄՈՆՅԱՆ
