Նախկին վարչապետ Կարեն Կարապետյանի գլխավոր խորհրդական ԳԱԳԻԿ ՄԱՐՏԻՐՈՍՅԱՆԸ կարծում է, որ այս իշխանությունը շարունակում է նախորդի տնտեսական քաղաքականությունը։
-Ձեզ տեսանելի՞ է այսօրվա իշխանության տնտեսական քաղաքականությունը, ի՞նչ ուղղությամբ ենք գնում։
-Տեսանելի է` գյուղատնտեսության զարգացում, արտահանման ծավալների ավելացում, նոր աշխատատեղերի ստեղծում։
-Ասել է` համաձայն չե՞ք այն տեսակետին, թե նոր իշխանությունների տնտեսական քաղաքականությունը չի կայացել։
-Շարունակվում է սկսած տնտեսական քաղաքականությունը թե՛ տուրիզմի, թե՛ արդյունաբերության, թե՛ գյուղատնտեսության, թե՛ թեթև արդյունաբերության ոլորտներում։
-Կարեն Կարապետյանի տնտեսական քաղաքականությու՞նն է շարունակվում։
-Այո։
-Փոփոխություններ չկա՞ն։
-Ոչ, սկզբունքային փոփոխություններ չկան, բոլոր ոլորտներում նույն քաղաքականությունն է, որովհետև հիմնական բանաձևը մեկն է։ Այլ բան է այդ ամենը մի քիչ դանդաղ, մի քիչ արագ, մի քիչ աջ, մի քիչ ձախ իրականացնելը։
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում
