Քիչ առաջ Կենտրոնական ընտրական հանձնաժողովը հրապարակեց 65 տեղամասերից հաշվարկների արդյունքները:
Ըստ այդմ, արդեն իսկ պարզ է դառնում, որ Երեւանի ավագանու արտահերթ ընտրություններով բացարձակ առաջատար է «Իմ քայլը» դաշինքը: «Բարգավաճ Հայաստան» կուսակցությունը էական տարբերությամբ, զբաղեցնում է երկրորդ հորիզոնականը:
Aravot.am-ը փորձեց մեկնաբանություններ ստանալ ԲՀԿ-ից`այս նախնական արդյունքների եւ կայացած ընտրությունների վերաբերյալ ընդհանրապես: ԲՀԿ-ական պատգամավորները դեռեւս ձեռնպահ մնացին մեկնաբանություններից: Դա կանեն ավելի ուշ`երբ հայտնի կլինեն ընտրությունների ամբողջական արդյունքները եւ կվերլուծվեն դրանք կուսակցական ընկերների հետ:
Նելլի ԳՐԻԳՈՐՅԱՆ
