Հայաստանի Հելսինկյան կոմիտեն Երևանի արտահերթ ավագանու ընտրությունների ժամանակ դիտորդական առաքելություն է իրականացնում Ավան վարչական շրջանում: Ժամը 13:00-ի դրությամբ Հելսինկյան կոմիտեի դիտորդներն արձանագրել են հետևյալ խախտումները:
1/16
Տեղամասում արձանագրվել է դեպք, երբ ցուցակում անձի անվան դիմաց արդեն ստորագրված է եղել:
1/14
Տեղամասում մինչև 09:00-ն ընկած ժամանակահատվածում քվեարկության կտրոնը անհատական կնիքով կնքվել է քվեատուփի մոտ գտնվող հանձնաժողովի անդամի կողմից, հետագայում խախտումը շտկվել է: Կտրոնը սկսել է կնքել ընտրողների գրանցումն իրականացնող հանձնաժողովի անդամը:
1/17
Տեղամասում կինը օգնել է ամուսնուն կատարի քվեարկություն, և ամուսնու հեռանալուց հետո, կինը տեխնիկական սարքավորման մասնագետին ներկայացրել է ամուսնու անձնագիրը, որից հետո տեխնիկական սարքավորման էկրանին հայտնվել է կարմիր նշան: Հանձնաժողովի նախագահը հրավիրել է ոստիկանին, որը սկսել է իրականացնել քննություն:
1/18
Տեղամասում հանձնաժողովի անդամ Օսյան Արմինեն, վիճակահանության արդյունքի համաձայն 18:00-20:00 ժամանակահատվածում պետք է իրականացներ «ցուցակ 1» գործառույթը, սակայն հանձնաժողովի մյուս անդամ Ալիսա Սահակյանի հետ ներքին որոշմամբ փոխվել են իրենց գործառույթներով: Գրանցամատյանում արձանագրվել է ոչ թե վիճակահանության արդյունքը, այլ ներքին պայմանավորվածությամբ ձեռք բերված համաձայնության արդյունքը:
***
Հանձնաժողովի անդամը անձին գրանցել է լրացուցիչ ցուցակում՝ առանց համապատասխան փաստաթղթի, ապա հասկանալով իր սխալը՝ քաղաքացուն ուղարկել է համապատասխան տեղեկանք բերելու:
1/17
«Ցուցակ 1»- ի մոտ նստած հանձնաժողովի անդամը մինչև 10:30-ը ընտրողների ցուցակում նշել է ընտրողների անձնագրային տվյալները, ապա սկսել է սպիտակեցնող նյութով /շտրիխ/ջնջել:
1/19
Ընտրողը ցուցակում ստորագրել է այլ անձի անվան դիմաց, հանձնաժողովի անդամը որոշել է, որ ում անվան դիմաց ստորագրվել է, նա էլ կստորագրի շփոթված քաղաքացու փոխարեն: Այդ մասին արձանագրություն է կազմվել:
1/7, 1/9
«Իմ Քայլը» դաշինքից ներկայացած անձինք տեղամասում գտնվելու իրավունք ունեցող անձանց սնունդ և ջուր են բերել:
