ՀՖՖ ԻԱՄ վերակազմակերպվելիք ՀՖՖ ՀԿ-ի գործկոմի կազմում, որն այսօր կատարվեց, առաջադրվել էր նաեւ առողջապահության նախարար Արսեն Թորոսյանը: Aravot.am-ը զրուցեց նրա հետ:
-Պարոն Թորոսյան, Դուք բավականին պատասխանատու եւ լուրջ ոլորտ եք ղեկավարում՝ առողջապահությունը, որտեղ անելիքներ շատ-շատ են: Ինչո՞ւ համաձայնեցիք նաեւ ՀՖՖ գործկոմի կազմում ընդգրկվել:
-Կարծում եմ՝ մեր ոլորտի մի մասն էլ սպորտային բժշկությունն է: Եվ դրա զարգացման համար այս պաշտոնը ստանձնում եմ, եթե դա պաշտոն կարելի է համարել, որպեսզի օգնեմ հայկական ֆուտբոլին, որպեսզի ունենանք լավ սպորտային բժշկություն, համաշխարհային սպորտային բժշկության ձեռքբերումները կիրառենք նաեւ հայկական ֆուտբոլում:
-Նկատի ունեք միայն ազգային հավաքակա՞նը, թե նաեւ ակումբները:
-Նկատի ունեմ ընդհանրապես սպորտային բժշկությունը որպես բժշկության մի ճյուղ:
-Իսկ առանց ՀՖՖ գործկոմի անդամ դառնալու դա հնարավոր չէ՞ դա իրականացնել:
-Գուցեեւ հնարավոր է: Բայց կարծում եմ՝ ՀՖՖ գործկոմի անդամ լինելով ավելի հեշտ կլինի ազդել որոշումների կայացման վրա:
Աշոտ ՀԱԿՈԲՅԱՆ
