Հեղափոխության խորհրդանիշներն ու կարգախոսները թափանցել են շուկա, անգամ գյուղմթերքների: Մասնավորապես, «դուխով» կարգախոսը տեղ է գտել շապիկների, գլխարկների, դպրոցական գրենական պիտույքների վրա, խանութների, դեղատների, զանազան հաստատությունների ճակատին: Մարդիկ ցանկացած ապրանք վաճառում են «դուխով» «ապրանքանիշով»:
Պատահական չէ, որ Լեզվի կոմիտեի նախագահ Դավիթ Գյուրջինյանն էլ ասել էր, որ գործիական հոլովի «ով» վերջավորության շնորհիվ «դուխով» ռուսերեն բառը 40%-ով հայերեն է դարձել: Ինչ վերաբերում է այս լուսանկարին, այն արվել է Մարալիկում: Վաճառողն առաջարկում է «սառը, դուխով ձմերուկ»: Այնպես որ՝ «դուխի» պակաս Հայաստանում կարծես թե չկա:
Լուսանկարը` ԳՈՀԱՐ ՀԱԿՈԲՅԱՆԻ
«Առավոտ»
20.09.2018
