«Ժամանակավոր այս կառավարության ծրագրում ես չեմ տեսել ձեւակերպված փիլիսոփայություն կամ ձեւակերպված ընթացք, թե ինչ քաղաքականություն են վարելու: Անընդհատ մեջբերում են, որ սա ժամանակավոր կառավարություն է, որ ակնկալիքները չպետք է մեծ լինեն, բայց ընդհանրապես բոլոր կառավարություններն են ժամանակավոր»,- սեպտեմբերի 18-ին «Բլից ինֆո» ակումբում խոսելով նոր կառավարության կրթական քաղաքականությունից՝ ասաց մանկավարժ, պատմաբան Վահրամ Թոքմաջյանը:
Նաեւ հավելեց. «Գոնե ես տեսնում էի, որ այս փուլում պետք են եւ կարեւոր են ընթացիկ լուրջ հարցեր, որոնք կարելի է փորձել լուծել: Նույն միասնական համակարգով քննությունների անցկացումը: Այդ փոփոխությունների գնալու դեպքում ներկայիս ԿԳ նախարարը եւ հանրակրթության փոխնախարարը, կներեք, այդ մանդատը դեռ չունեն:
Գլոբալ փոփոխությունների մանդատը կունենան այն ժամանակ, երբ կլինի ընտրություն, ընտրության արդյունքում կձեւավորվի կառավարություն, խորհրդարան, եւ մոտակա 5 տարում միջնաժամկետ եւ երկարաժամկետ ծրագրեր իրականացնելու մանդատ կունենա, իսկ այս փուլում իրենք մանդատ չունեն:
Մանրամասները` տեսանյութում:
Նա անդրադարձավ Հայ եկեղեցու պատմություն առարկային. «Շատ էր խոսվում Հայ եկեղեցու պատմություն առարկայի հակաիրավականության կամ փոփոխության շուրջ: Ես հասկանում եմ, որ Հայաստանում կա մարդկանց մի զգալի հատված, որոնք ուզում են, որ այդ առարկան լինի, եւ կա մարդկանց մի խումբ, որը չի ուզում: Դրա համար առաջարկել էինք միջանկյալ չափորոշչային լուծում` ընտրության իրավունքի կիրառմամբ, ոչ պարտադիր բաղադրիչ:
Այսինքն՝ պետք էր անել փոփոխություն չափորոշիչներում, որը անում է կառավարությունը: ԿԳ նախարարությունն ունի իրեն ենթակա կառույց` Կրթության ազգային ինստիտուտ…Այն կարող էր խողովակ ծառայեցվել, ընդամենը մեկ նախադասություն էր պետք փոխել չափորոշչի մեջ, որպեսզի դուք որոշեք ձեր 8-րդ դասարանում սովորողի ուսպլանի բաղադրիչում, իսկ Հանրակրթության մասին օրենքը այդ հնարավորությունը տալիս է, պետք է լինի Հայ եկեղեցու պատմությո՞ւն, թե՞ Կյանքի հմտություններ կամ մշակույթի պատմություն առարկան»:
Մանրամասները` տեսանյութում:
Գոհար ՀԱԿՈԲՅԱՆ
