2015 թվականի նոյեմբերի 25-ին Նորք-Մարաշում ձերբակալված զինված խմբի գործով այսօր ընդհանուր իրավասության դատարանի Կենտրոն եւ Նորք-Մարաշ վարչական շրջանների նստավայրից ազատ արձակվեց եւս վեց մարդ` Խաչիկ Ավետիսյանը, Վլադիմիր Առաքելյանը, Արթուր Եղիազարյանը, Արա Պողոսյանը, Վաղինակ Ստեփանյանը, Վահագն Սանազարյանը: Նրանցից չորսի խափանման միջոց կալանքը փոխվեց պատգամավորների միջնորդությամբ եւ գրավի դիմաց, երկուսինը`Արա Պողոսյանը եւ Վաղինակ Ստեփանյանը`հանրապետությունից չբացակայելու ստորագրությամբ:
Կալանքից ազատ արձակվածներին դատարանի բակում հարազատները դիմավորեցին ողջույններով, ծափերով եւ արցունքներով:
Մանրամասները` տեսանյութում
Այս գործով դեռեւս կալանքի տակ են Արթուր Վարդանյանը եւ Գեւորգ Սարգսյանը:
Հիշեցնենք, այս խմբի քսան անդամները մեղադրվում են բռնություն գործադրելու կամ բռնություն գործադրելու սպառնալիքով Հայաստանում իշխանությունը զավթելու փորձի համար: Գլխավոր մեղադրյալն Արթուր Վարդանյանն է:
Նելլի ԳՐԻԳՈՐՅԱՆ
