Սեպտեմբերի 24-ից հոկտեմբերի 5-ը Բաթումում կանցկացվի շախմատի 43-րդ համաշխարհային օլիմպիադան: Տղամարդկանց մրցաշարին մասնակցելու է 179 թիմ, կանանց մրցաշարին՝ 146: Երկու մրցաշարերում էլ յուրաքանչյուր թիմ բաղկացած է լինելու չորս հիմնական եւ մեկ պահեստային շախմատիստից:
Հայաստանը օլիմպիադային մասնակցելու է երկու մրցաշարերում էլ: Թեեւ Հայաստանի շախմատային ֆեդերացիան դեռ պաշտոնապես չի հրապարակել հավաքականների կազմերը, սակայն օլիմպիադայի պաշտոնական կայքում նրանց անունները կան:
Տղամարդիկ. Լեւոն Արոնյան, Գաբրիել Սարգսյան, Հրանտ Մելքումյան, Ռոբերտ Հովհաննիսյան, Հայկ Մարտիրոսյան: Մարզիչ՝ Արշակ Պետրոսյան:
Կանայք. Էլինա Դանիելյան, Լիլիթ Մկրտչյան, Աննա Սարգսյան, Մարիա Կուրսովա, Սիրանուշ Ղուկասյան: Մարզիչ՝ Արթուր Չիբուխչյան:
Աշոտ ՀԱԿՈԲՅԱՆ
