«Դժվար թե պարոն Քոչարյանն ինքը այդպիսի բաներով զբաղվեր». Ալումյանը՝ Քոչարյանի ֆեյքերի մասին

Երկրորդ նախագահ Ռոբերտ Քոչարյանի վերջին հարցազրույցի տեսագրությունը, որը տարածվել էր ֆեյսբուքում, ցույց տվեց, որ այն մեկնաբանողները, որոնք սատարում էին Քոչարյանին, հիմնականում կեղծ օգտատերեր էին:

Տեսագրության տակ օգտատերերը մեկնաբանություններ էին գրել՝ սատարելով Քոչարյանին ու դրա հետ կապված օգտատերերից մեկը ապացուցել էր, որ այդ մեկնաբանողների էջերը ֆեյքեր են:

https://www.facebook.com/rafael.afrikyan/videos/2199197450322035/

Մեր հարցին՝ այդ ֆեյքերի բանակն ինչո՞ւ է Քոչարյանը հավաքել, ինչի՞ն է պետք, ուզում է հանրային աջակցության պատրա՞նք ստեղծել՝ Քոչարյանի փաստաբան Հայկ Ալումյանը պատասխանեց. «Ես չգիտեմ ճիշտն ասած, դժվար թե պարոն Քոչարյանն ինքը այդպիսի բաներով զբաղվեր: Դժվար, ես երբ որ իր հետ մի քիչ շփվել եմ, գիտեմ, ինքը դժվար այդ տեխնիկական հարցերի մեջ մտներ, այդպիսի բաներ աներ կամ նույնիսկ այդպիսի հրահանգ տար: Միգուցե ինչ-որ մարդիկ համարում են, որ դրանով ինչ-որ ծառայություն են մատուցում, չգիտեմ, բայց շատ քիչ հավանական եմ համարում, որ ինքը այդ տեխնիկական հարցերի մեջ մտնի, ասի՝ սենց բաներ արեք: Չեմ կարծում, զուտ իմ ու իր շփումների հիման վրա տպավորությունս դա է»:

Հռիփսիմե ՋԵԲԵՋՅԱՆ