Նիդերլանդներից երկու հայ երեխաների Հայաստան արտաքսման թեմայով այսօր Մարդու իրավունքների պաշտպան Արման Թաթոյանը կրկին հեռախոսազրույց է ունեցել Նիդերլանդների երեխաների իրավունքների պաշտպան Մարգարիտ Կլավերբոյերի հետ։
Նիդերլանդների օմբուդսմանը տեղեկացրել է, որ կոնկրետ իրավիճակում երեխաների լավագույն շահը հաշվի առնելով արտաքսման որոշումը չեղարկվել է․ Լիլին և Հովիկը կշարունակեն ապրել Նիդերլանդներում։ Արման Թաթոյանին փոխանցվել է նաև, որ այս պահին փորձում են ճշտել որոշման չեղարկման հիմքերը։
Հիշեցնենք, որ օրեր առաջ հեռախոսազրույցի ժամանակ Նիդերլանդների օմբուդսմանը հավաստիացրել է Հայաստանի մարդու իրավունքների պաշտպանին, որ հայ երեխաների հարցն իր ուշադրության կենտրոնում է և ջանքեր է գործադրում արտաքսումը հետաձգելու համար, որպեսզի կարողանա մանրամասն ուսումնասիրության առարկա դարձնել երեխաներին առնչվող փաստաթղթերը և նրանց իրավունքների ապահովման հարցերը:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆԻ
ԱՇԽԱՏԱԿԱԶՄԻ ՀԱՆՐԱՅԻՆ ԿԱՊԵՐԻ ԲԱԺԻՆ
Շատ ուրախ եմ, երեխէք ջան: Դժոխքից փրկուեցիք: 🙂
Թէ չէ, որ գայիք Հայաստան, ձեզ ուտելու էինք: Օրեր շարունակ էնպիսի աղմուկ էիք բարձրացրել, որ մտածում էի. «կարո՞ղ է մենք՝ հայաստանցիներս, մարդակերներ ենք»:
Հիմա կարող էք խորը շունչ քաշել ու վայելել ձեր սիրելի Նիդեռլանդները (մամայի գործերն էլ եղա՞ն):
Բայց մի խնդրանք. եթէ հոլանդացիները ձեզ հարցնեն «ո՞վ էք, ո՞րտեղացի էք», չասէք, որ հայ էք: Դա ձեզ պատիւ չի բերի: Կ’ասէք ռուս ենք՝ Ռուսաստանից: