«Զարուհի Փոստանջյանը միակ թեկնածուն է, որն իր քաղաքական կենսագրությունը երբևէ չի արատավորել Սերժի, Ռոբի կամ Լևոնի հետ ձեռքսեղմումով». Երկիր Ծիրանիի քարոզարշավը՝ Նոր Նորքում

«Զարուհի Փոստանջյանը միակ թեկնածուն է, որն իր քաղաքական կենսագրությունը երբևէ չի արատավորել Սերժի, Ռոբի կամ Լևոնի հետ ձեռքսեղմումով, Սերժի, Ռոբի կամ Լևոնի ապօրինի հանցագործ ռեժիմի հետ կոալիցիա կազմելով: Զարուհի Փոստանջյանն այն միակ անբասիր կենսագրություն ունեցող թեկնածուն է, որը միշտ հանուն արդարության և օրենքի է պայքարել »,-Նոր Նորքում «Երկիր Ծիրանի» կուսակցության քարոզարշավն այսպիսի ուղերձներով էր անցնում:

Զարուհի Փոստանջյանը հայտարարեց՝ օգտագործելու է իր կապերը ԵՄ-ի բարձրաստիճան պաշտոնյաների հետ և այլ շրջանակներում, որպեսզի Երևան գումարներ բերի:

Զարուհի Փոստանջյանը վստահեցրեց՝ Երևանը շնչելու է, մաքրվելու է աղբից, սոցիալական բնակարաններ են կառուցվելու Երևանում:

Քաղաքապետի թեկնածուն մտահոգություն հայտնեց, որ քաղաքային բյուջեն չի բաշխվել օրինական կարգով, իշխանություններն օրենքի սահմանում չեն գործել:

Երբ Զարուհի Փոստանջյանն անցնում էր առևտրականների կողքով, նրանք սկսեցին դժգոհել օլիգարխներից՝ այսպես դիմելով Զարուհի Փոստանջյանին՝ ձեր օլիգարխները:

Զարուհի Փոստանջյանն արձագանքեց՝ իմը չեն բոլորի օլիգարխներն են:

https://www.facebook.com/zaruhi.postanjyan/videos/2117034548362731/?hc_ref=ARRa4OIoHfR1H59lGLn1idpuBK0-w5r6R6ezxSCLmFPiyKqaFR-Dxc3YtRRwPh5Dq2A&__xts__[0]=68.ARDIV4j8gqu6BmgBRQFC-BeazZEMTf-CMQf5wksxqVL4Chk80YXG3wxunMxv4US06HdbhefvFS13TLeGJKu0F9poF3PhROclr6pCxQ51UhF3VUWsdNgoBulRrB5hYYYCUkFT07zGFU9sHDAcIGLtdYPP3EBWJSuHvST8kKbrPoIZk9Impulpvg&__tn__=lC-R

Զարուհի Փոստանջյանը նաև նպատակահարմար չի համարում այն, որ ավագանու ընտրություններում նվազագույն շեմը լինի 6 տոկոսը: Այս առիթով նա մանրամասնեց. «6 տոկոսը չափազանց բարձր է: Սա հետնահանջ է ժողովրդավարությունից: Մենք ցանկանում ենք լինի ժողովրդավարություն, և բոլոր գույները ներկայացված լինեն ավագանիում»:

Դառնալով ծրագրային կետերին՝ քաղաքապետի թեկնածուն վստահեցրեց՝ ունենալու ենք չորս նոր մետրոյի կայարան, Երևանն ունենալու է իր հեռուստաալիքը:

https://www.facebook.com/zaruhi.postanjyan/videos/2117084585024394/?sk=wall&hc_ref=ARTI0UGJ8ScDkBeFKcxdJZCCEhHMfwdy9GRYfxEY6d1FeM6zhgwItnPPiaH7xLZ63VQ&__xts__[0]=68.ARAVAiPtKtBbUp3REbBIU04ISr99-YCbMDaz-M2mFMrcIJkDv–n2yLcrz_BmeKndJmKd-EbQpP-Le0uOhpZkmaUQWJpngTfr-ShXoRN5X2HE8BkWNQSJFZ1GUmv4-edtQyYuYDpHkcyb6tmudXZBxSZE6eSIZlnpKsB4ZoFH9xLTiaJMDsTsA&__tn__=lC-R

Տաթև ՀԱՐՈՒԹՅՈՒՆՅԱՆ