ԵՄ-ի և վերջինիս EU4Business («ԵՄ-ն բիզնեսի համար») նախաձեռնության աջակցությամբ ՀՀ Լոռիի մարզում գործարկվել է 4 նոր ձեռնարկություն:
Վանաձոր, Ստեփանավան և Ալավերդի քաղաքներում գործող բոլոր նշված ձեռնարկությունները իրենց գործունեությունը սկսել են «Տարածաշրջանային ՓՄՁ-ների մրցունակության խթանում» ծրագրի շրջանակում, որը համաֆինանսավորվում է ԵՄ-ի ու ՀՀ տարածքային կառավարման և զարգացման նախարարության կողմից:
ԵՄ-ի աջակցությամբ իրականացված վերապատրաստմանը մասնակցելուց և վարկ ստանալուց հետո Վիգեն Մնացականյանը կարողացավ իրականացնել «ապիտուրիզմի» իր գաղափարը, որը նաև հայտնի է որպես մեղվազբոսաշրջություն: Ռուզաննա Հայրապետյանը Վանաձորում բացեց արագ սննդի կետ և հացի փուռ: Եվրամիության դրամաշնորհն օգնեց նրան գնել անհրաժեշտ կահույք և սարքավորումներ: Արման Առաքելյանը հիմնեց ակտիվ զբոսաշրջության ծառայություններ առաջարկող ընկերություն: Համլետ Թումասյանը հյուրատան սեփականատեր է Ստեփանավանում, որը նա կարողացավ բացել ծրագրի կողմից կազմակերպված վերապատրասմանը մասնակցելուց և վարկային ու դրամաշնորհային միջոցներ ստանալուց հետո:
Չորս նոր փոքր և միջին ձեռնարկություններն (ՓՄՁ) արդեն իսկ ստեղծել են ինը նոր աշխատատեղ: Այս թիվը ամենայն հավանականությամբ կավելանա մոտ ապագայում:
EU NEIGHBOURS east
