«Ես կարծում եմ, որ մեր երկրում իրավական անվտանգությունը վտանգված է»,- խորհրդարանում լրագրողների հետ զրույցում հայտարարեց ԱԺ պետաիրավական հարցերի մշտական հանձնաժողովի նախագահ, նախկին գլխավոր դատախազ Գեւորգ Կոստանյանը՝ անդրադառնալով ԱԱԾ պետի եւ ՀՔԾ պետերի հեռախոսազրույցի գաղտնալսմանը եւ ձայնագրության հրապարակմանը:
«Սա շատ վտանգավոր եւ մտահոգիչ երեւույթ է երկրի համար»,-ասաց նա:
Իսկ ինչ վերաբերում է կոնկրետ հանգամանքներին, Գեւորգ Կոստանյանը դրան կանդրադառնա ավելի ուշ. «Բայց երկրում իրավական անվտանգությունը ոչ թե վտանգված է, այլ կոտրված է»։
Գևորգ Կոստանյանն այլ մեկնաբանություններ չարեց, քանի որ այս հարցով պատրաստվում է առաջիկայում ասուլիս հրավիրել:
Նելլի ԳՐԻԳՈՐՅԱՆ
