2015 թվականից սկսած Հայաստանը առաջընթաց է գրանցել փողերի լվացման և ահաբեկչության ֆինանսավորման դեմ պայքարի շրջանակների ամրապնդման գործում և իրականացրել է մի շարք առաջարկություններ: Ինչևէ, թերություններ դեռ կան, և դրանք պետք է լուծվեն: Սրանք Եվրոպայի խորհրդի փողերի լվացման դեմ մարմնի՝ MONEYVAL-ի ուրբաթ հրապարակված հաշվետվության արդյունքներն են:
Ըստ հաշվետվության, Հայաստանը բերել է փողերի լվացման ռիսկերի գնահատումը համարժեք մակարդակի: MONEYVAL-ը բարձրացրել է երկրի վարկանիշը «մասամբ բավարարվածից»՝ «մեծապես բավարարված»:
Մեկ այլ դրական զարգացում է այն, որ որ զանգվածային ոչնչացման զենքի տարածման հետ կապված թիրախային ֆինանսական պատժամիջոցների կիրառման իրավական հիմքը փոփոխվել է և այժմ վերաբերում է տարածման հետ կապված անձանց սեփականության և միջոցների սառեցմանը: Այս առաջարկության վարկանիշը ևս բարձրացել է «մասամբ բավարարվածից»՝ «մեծապես բավարարված»:
Առաջխաղացում է նկատվել նաև հայտնաբերելու գործում, թե որ հասարակական կազմակերպություններն են մասնավորապես ահաբեկչության ֆինանսավորման չարաշահման ռիսկի ենթարկվում: Հայաստանը հայտնաբերել է այդ կազմակերպություններին և եզրակացրել,որ նրանք ահաբեկչության համար չարաշահումների ցածր ռիսկ են կազմում: Այստեղ էլ է երկրի վարկանիշը բարձրացել:
MONEYVAL-ը ողջունում է երկրի կատարած առաջընթացը նաև այլ առաջարկների վերաբերյալ, ինչպիսիք են քաղաքական ենթատեքստ ունեցող անձանց և նրանց ընտանիքի անդամներին վերաբերող հարցերը, ինչպես նաև իրավապահ մարմինների և հետաքննության մարմինների լիազորությունները: Սակայն, կազմակերպությունը համարում է, որ այստեղ փոքր թերություններ են մնացել, և Հայաստանը պահպանել է իր՝ «մասամբ բավարարված» վարկանիշը:
2015 թվականից սկսած FATF առաջարկները փոխվել են, բայց նրանք ազդեցություն չեն ունեցել նախորդ գնահատականների վրա: Զեկույցում ասվում է. «Հայաստանը պահպանել է լավ վարկանիշներ ահաբեկչության ֆինանսավորման քրեականացման, ներքին հսկողության և օտարերկրյա մասնաճյուղերի ու դուստր ձեռնարկությունների և հափշտակման ու գաղտնիության մասին առաջարկներում»:
MONEYVAL-ը որոշել է, որ Հայաստանը կշարունակի հետևողական լինել և կշարունակի զեկուցել Եվրոպայի խորհրդին՝ հետագա առաջընթացի վերաբերյալ:
