Հարցին, թե արդյոք առաջին նախագահ Լեւոն Տեր-Պետրոսյանը պետք է հարցաքննվի Մարտի 1-ի գործով, «Ժառանգություն» կուսակցության հիմնադիր Րաֆֆի Հովհաննիսյանն այսօր «Հայելի» ակումբում, պատասխանելով հարցին ասաց՝ այո: Նրա խոսքով. «Ոչ միայն առաջին նախագահը այլ՝ դե ֆակտո երկրորդ նախագահը, թեեւ գործող վարչապետը մի անգամ հարցաքննվել է այդ գործով, իմ կարծիքով, ոչ միայն ինքը, իրենք, այլեւ իրավապահ մարմինների բոլոր ներկայացուցիչները՝ բարձրաստիճան ներկայացուցիչները նաեւ դաշտային, որոնք գործի մեջ էին, այսինքն՝ ով ունի վկայություն, որը կարող է օգնել, որպեսզի ամբողջական ճշմարտությունը ջրի երես բարձրանա առանց աստվածականության, ինքը պետք է հարցաքննվի, վկայություն տա: Սա ենթադրում է ոչ միայն քաղաքական կամք ու հանձնառություն, որովհետեւ այդ օրենքը այդ չափանիշը պետք է հավասարապես կիրառվի բոլորի նկատմամբ եւ մարդիկ կան, որոնք ունեն տեղեկատվություն, որը մինչեւ հիմա հայտնի չէ, ոչ հասարակությանը, ոչ էլ, ենթադրում եմ, քննչական մարմնին»:
Րաֆֆի Հովհաննիսյանի համոզմամբ, սա ենթադրում է հավատքից զատ նաեւ լուստրացիա. «Բոլոր նրանք, անկախ իրենց հանգամանքից, պետական ծառայող են, անվտանգության ծառայող են, պիտի վկայություն տան, իրենք իրենց անանունությունից պետք է դուրս գան: Եվ արդյոք պետությունը պատրաստ է սրան թե՝ ոչ: Ես կարծում եմ, որ սա շատ կարեւոր հարց է: Սա շատ կարեւոր է պետական առաջընթացի համար»:
Լուսինե ԲՈՒԴԱՂՅԱՆ
ըստ սովորութեան՝ zero credibility, Պարոն Յովհաննիսյան.
հետաքրքիր է թէ անձ մը այդքան պոռալով, այդքան եռանդով, կարող է այդքան դատարկ, անկապ եւ կեղծաւոր բաներ ասել.
Մարտ 1 2008-ի նիւթով, ուրեմն ամէն մարդ պիտի հարցաքննուի, բացի… Պարոն Փաշինյա՞նը…
Հայաստանի բնակիչներ, եթէ կ’ուզէք շանս մը ունենալ առաջ ընթանալու, ի միջի այլոց, այդ յատկապէս մթին էջն ալ պիտի որ դարձնէք, ու ջանաք գնալ առաջ