«Քաղաքացու իրավունքների պաշտպան» ՀԿ-ն գնահատում է, որ ՀՀ քաղաքացի, քաղաքական գործիչ, Շանթ Հարությունյանին անազատության մեջ պահելով, խախտվում են Հայաստանի ստանձնած միջազգային պարտավորությունները, Հայաստանում արդարադատության նկատմամբ վստահությունը,վտանգվում են ժողովրդավարությունը և հասարակական արժեքները։
ՀՀ քաղաքացի, քաղաքական գործիչ Շանթ Հարությունյանի ազատազրկումը բաց ռեժիմով անցկացնելու մասին` «Վարդաշեն» ՔԿՀ պետի առաջարկով չի լուծվում ՀՀ քաղաքացու ազատության խնդիրը, քանի որ ազատ արձակումն ու բաց ռեժիմով ազատազրկումն ըստ էության քաղաքացիական տարբեր կարգավիճակներ են։
Առաջնորդվելով ԵԽԽՎ թիվ 1900 բանաձևով «Քաղաքացու իրավունքների պաշտպան» ՀԿ-ն միանում է ՀՀ քաղաքացի, քաղաքական գործիչ, քաղբանտարկյալ Շանթ Հարությունյանին օր առաջ ազատ արձակելու և արդարացնելու հասարակական պահանջին։
«Քաղաքացու իրավունքների պաշտպան» ՀԿ նախագահ՝ Կարեն Հեքիմյան
