Երեւանում հասարակական տրանսպորտով երթեւեկելը կյանքի համար վտանգավոր է: Շատ երթուղային տաքսիներ այն աստիճանի են մաշված, որ թվում է, թե երթեւեկության ընթացքում մեքենան երկու կես կլինի:
Քաղաքային իշխանությունը գազելների մի փոքր մասը փոխարինեց ավտոբուսներով, բայց դրանք քիչ են, եւ որոշ ժամերի ուղեւորներն այնքան շատ են լինում, որ կիսով չափ ավտոբուսների բաց պատուհաններից դուրս եկած են երթեւեկում: Ահավասիկ լուսանկարում պատկերված դրվագը. այնպիսի տպավորություն է, կարծես 90-ականներն են:
Առաջիկայում քաղաքային իշխանության համար ընտրապայքար է լինելու, եւ սպասվում է, որ ի թիվս այլ խոստումների՝ թեկնածուները ժամանակակից եւ արժանապատիվ տրանսպորտային միջոցով երթեւեկելու մասին խոստումներ կտան երեւանցիներին: Նախկին իշխանությունն էլ քաղաքացիներին «կերակրում էր» նման խոստումներով, նույնիսկ հավաստիացնում, թե նման ծրագիր կա արդեն: Այդ ծրագիրը, սակայն, իրականացնելու ուղղությամբ առայժմ որեւէ էական քայլ չի նկատվում:
Լուսանկարը՝ ՆԵԼԼԻ ԲԱԲԱՅԱՆԻ
«Առավոտ»
05.09.2018
