«Ադրբեջանի՝ ՀԱՊԿ անդամ դառնալու հնարավորությունը զրո տոկոս է, բայց քանի որ այդ երկիրը լարախաղացությամբ զբաղվելու հազարամյա փորձ ունի, հիմա էլ է նույնը անում»,-Aravot.am-ի հետ զրույցում անդրադառնալով ադրբեջանական մամուլում շրջանառվող լուրերին, թե Ադրբեջանը դիմել է ՀԱՊԿ-ին՝ որպես կառույցի դիտորդ-գործընկեր երկիր անդամակցելու նպատակով, ասաց քաղաքագետ Լեւոն Շիրինյանը:
«Նախկինում ԱՄՆ չկա, իսկ հիմա կա: Եթե անգամ Ադրբեջանը համարձակվի ՀԱՊԿ անդամ դառնալ, ԱՄՆ-ն կպատժի նրան. նավթ չի գնի, եւ այդ երկիրը «կսատկի»… Ռուսաստանի դեմ ԱՄՆ պատժամիջոցները ձեզ օրինակ: Տեղից էլ տեսնում եք, թե ինչ վիճակում է Ադրբեջանը: Նա մեծ-մեծ խոսում է, բայց իրականում անընդհատ քամվում է: Այդ երկրի վերջը գալու է թալիշների ապստամբությամբ»,-համոզմունք հայտնեց Լեւոն Շիրինյանը:
Նա կարծում է, որ ՀԱԿՊ-ին անդամակցելու հայտարարություններն Ադրբեջանի կողմից շանտաժ են ՀԱՊԿ անդամ ՀՀ-ի դեմ, կամ էլ սա ռուս-ադրբեջանական «սիրախաղ» է: Ըստ մեր զրուցակցի՝ Թուրքիա-ԱՄՆ հարաբերություններն են բարդացել, այդ պատճառով էլ Ադրբեջանը «պոչ է խաղացնում»՝ հանուն Թուրքիայի:
Լուիզա ՍՈՒՔԻԱՍՅԱՆ
