Ռուսաստանի ղեկավարությամբ գործող Սիրիայի ականազերծման միջազգային կոալիցիային միանալու պատրաստակամություն են հայտնել Հայաստանն ու Սերբիան, հնարավոր է նաև Չինաստանի մասնակցությունը: Այս մասին հայտնել է Ռուսաստանի ՊՆ միջազգային ռազմական համագործակցության գլխավոր վարչության ղեկավար Ալեքսանդր Նովիկովը, գրում է «Վզգլյադ» թերթը:
«Համապատասխան ուղերձներ են ուղարկվել Իրանի, Եգիպտոսի,Սերբիայի, Հայաստանի, Թուրքիայի և ԱՄԷ-ի պաշտպանական գերատեսչություններին: Իրենց ստորաբաժանումները պատրաստ են ուղարկել Հայաստանն ու Սերբիան, դիտարկվում է չինացի սակրավորներին ներգրավելու հնարավորությունը»,- ասել է Նովիկովը:
Նա նշել է, որ կոալիցիայի ստեղծման աշխատանքները համակարգում է Ռուսաստանի պաշտպանության նախարարությունը:
Պատրաստեց՝ Վիկտորյա ԱՆԴՐԵԱՍՅԱՆԸ
