Անգլիայի Պրեմիեր լիգայի մեկնարկային երկու տուրերում պարտություն կրելուց հետո Լոնդոնի «Արսենալի» եւ Հայաստանի ազգային հավաքականի կիսապաշտպան Հենրիխ Մխիթարյանը մեկնաբանել է երկու առաջին հանդիպումները եւ վստահություն հայտնել, որ օգոստոսի 25-ին «Վեստ Հեմի» հետ կայանալիք հաջորդ խաղում հաշիվը լավը կլինի:
«Առանց սխալների հաջողություն չի լինում: Կասկած չկա, որ մենք պետք է ձգտենք եւ շարունակենք խաղալ: Եթե աշխատենք, մեր ուժերի սահմաններում է իրականացնել այն, ինչ պլանավորել ենք: Վստահ եմ, որ հաջորդ խաղում ավելի լավ հանդես կգանք եւ հաշիվն էլ ավելի լավը կլինի», – ասել է Մխիթարյանը:
ԱՇՈՏ ՀԱԿՈԲՅԱՆ
«Առավոտ»
24.08.2018
