«Սա անթույլատրելի է հատկապես անչափահասների պարագայում»,- «Առավոտի» հետ զրույցում անդրադառնալով Հանքավանի «Հասմիկ» մանկական ճամբարի երեխաների նկարների տարածմանը և ճամբարում կատարվածին հայտարարեց իրավապաշտպան Ժաննա Ալեքսանյանը:
Հիշեցնենք՝ երեկ համացանցում լուսանկարներ տարածվեցին, որտեղ ներկայացված էին ճամբարի մանկահասակ տղա երեխաները՝ կանացի հագուստով և պճնանքով: Սա տարատեսակ մեկնաբանությունների տեղիք տվեց՝ մինչև անգամ նույնասեռականության քարոզ:
ՀՔԱ Վանաձորի գրասենյակի ղեկավար Արթուր Սաքունցը որևէ վատ բան չի տեսնում կատարվածում և համամիտ է ճամբարի աշխատակիցների կողմից հնչած պարզաբանման հետ: Ըստ Արթուր Սաքունցի՝ ճամբարի տարածքը հանրային է, փակ, գաղտնի, անձնական տարածք չէ: Մեր հարցին, եթե երեխաների ծնողները փորձեն դատի տալ իրենց երեխաների նկարները տարածելու համար, ի՞նչ իրավական երաշխիքներ կան, նա պատասխանեց.
«Հիմքեր չեն տեսնում, կարող է ինչ-որ միջոցառում են կազմակերպել դերախաղերի միջոցով: Բոլոր դերասանները պրոֆեսիոնալ կնոջ կամ տղամարդու դեր են խաղում հրապարակային միջոցառումների ժամանակ, այդտեղ մեկնաբանողների խնդիրն է, թե ինչպես են նրանք մեկնաբանում՝ ամեն մեկն իր արժեհամակարգի, պատկերացումների համաձայն»:
Ճամբարում կատարվածի իրավական և էթիկական գնահատականներն ամբողջությամբ կարդացեք վաղվա «Առավոտում»:
Տաթև ՀԱՐՈՒԹՅՈՒՆՅԱՆ
