Աշխատանքի եւ սոցիալական հարցերի նախարար Մանե Թանդիլյանն իր պաշտոնավարման 100 օրն ամփոփող ասուլիսում ասաց, որ այս պահին քրեական գործ է հարուցված բժշկասոցիալական փորձաքննության ոլորտում կատարված չարաշահումների առնչությամբ:
Նախարարի ներկայացմամբ՝ սա բավականին ծավալուն գործ է, 2 տասնյակից ավելի բժշկասոցիալական փորձաքննության հանձնաժողովի նախագահներ եւ անգամ նախարարության կառույցի ղեկավար են ներգրավված:
ԲՍՓ-ներում կոռուպցիան վերացնելն, ըստ նախարարի, այնքան էլ հեշտ գործ չէ:
«Երբ Ես փորձում էի հասկանալ, թե ինչպես պետք է անել, որ այստեղ կոռուպցիան վերանա, ինձ ասացին, որ այդ ոլորտում աշխատողների 99%-ին պետք է ուղղակի փոխել: Իսկ դուք հասկանում եք, որ դա պրակտիկայում անհնարին է: Մենք այսօր էլ հայտարարություն ենք տարածել, որ բժիշկների ենք հրավիրում: Իմանալով, որ չեն լինելու նման չարաշահումներ, դժվարանում ենք գտնել համապատասխան մասնագետներ»,-ասաց նախարարը:
Մանրամասները՝ տեսանյութում:
Նելլի ԲԱԲԱՅԱՆ
