Սենթ-Լուիսում ընթացող շախմատի «Սինֆիլդի գավաթի» խաղարկության չորրորդ տուրում Հայաստանի լավագույն շախմատիստ Լեւոն Արոնյանը սեւ խաղաքարերով հանդիպեց ադրբեջանցի Շախրիյար Մամեդյարովի հետ: Դիմակայությունը երկար չտեւեց, եւ կողմերը արագ համաձայնեցին ոչ-ոքիի:
Այսօր կայանալիք հինգերորդ տուրից առաջ, որում Արոնյանը սպիտակներով խաղում է աշխարհի նախկին չեմպիոն Վիշվանաթան Անանդի հետ, 2,5-ական միավորով մրցաշարային աղյուսակը գլխավորում են Լեւոն Արոնյանը, Մագնուս Կարլսենը, Ֆաբիանո Կարուանան, Ալեքսանդր Գրիշչուկը եւ Շախրիյար Մամեդյարովը:
Աշոտ ՀԱԿՈԲՅԱՆ
