Այսօր հրավիրված մամուլի ասուլիսին, իր ղեկավարած կառույցի 100-օրյա աշխատանքը ներկայացնելուց հետո ՀՀ ոստիկանապետ Վալերի Օսիպյանը պատասխանեց նաեւ լրագրողների հարցերին: Մասնավորապես, ՊՊԾ գնդի, Մարտի 1-ի գործերին իր առնչությանը:
ՊՊԾ գնդում, ինչպես ասաց, նա եղել է պատանդի կարգավիճակում 7-8 օր: Ասաց, որ չի հրավիրվել դատարան, չի հարցաքննվել.«Հրավիրվելու դեպքում կներկայանամ դատարան, կպնդեմ նախաքննության ժամանակ տրված իմ բոլոր ցուցմունքները»:
ՀՀ ոստիկանապետը, պատասխանելով գործընկերներիցս մեկի հարցին, կապված մարտիմեկյան դեպքերի հետ, ասաց, որ 2008թ. մարտի 1-ին, լինելով ՀՀ ոստիկանության պարեկապահակային ծառայության գնդի պետի տեղակալը, այնքան էր իր առնչությունը, որքան մյուս ոստիկաններինը: «Չեմ հիշում, բացատրություն եմ տվել: Անձնակազմը, որն ինձ հետ էր, որեւէ լուրջ դեպքով չի եղել»,-ասաց նա:
Ռ.Մինասյան
