Mail.ru Group-ը հանդես է եկել նախաձեռնությամբ՝ ապաքրեականացնել սոցցանցերում օգտատերերի գործողությունները և ներում շնորհել նախկինում դրա համար դատապարտվածներին: Նման առաջարկով ընկերությունը դիմել է Ռուսաստանի Պետդումային, Գերագույն դատարանին և Արդարադատության նախարարությանը:
Մասնավորապես, հոլդինգն առաջարկում է պեդումային նախաձեռնել օրինագիծ՝ ՌԴ Քրեական օրենսգրքի 282 (ատելության կամ թշնամանքի հրահրում, որը հավասար է մարդկային արժանապատվության ոտնահարման) և 148 (խղճի և դավանանքի ազատության իրավունքի խախտում) հոդվածներով դատապարտվածներին ներում շնորհելու համար:
Ավելի վաղ՝ օգոստոսի սկզբին ընկերությունն առաջարկել էր համաներում շնորհել սոցցանցերում վերահրապարակումների և լայք-երի համար դատապարտվածներին և ապաքրեականացնել նման դեպքերը:
Mail.ru Group հոլդինգին են պատկանում ВКонтакте, Одноклассники և Мой мир ռեսուրսները:
Պատրաստեց՝ Վիկտորյա ԱՆԴՐԵԱՍՅԱՆԸ
