Այսօր երկրորդ նախագահ Ռոբերտ Քոչարյանի մամուլի ասուլիսը տապալելուց հետո «Պրիվետ, Ռոբ» ակցիայի մասնակիցները երթով շարժվեցին դեպի դատախազություն, այնուհետեւ՝ Բարձրագույն դատական խորհուրդ:
Այնտեղ նրանք ստորագրահավաք կազմակերպեցին՝ դիմելու ԲԴԽ՝ Վերաքննիչ քրեական դատարանի դատավոր Ալեքսանդր Ազարյանի լիազորությունները կասեցնելու:
Հիշեցնենք, որ Վերաքննիչում երեկ որոշում էր կայացվել Քոչարյանի կալանքը՝ որպես խափանման միջոց, փոխելու եւ նրան ազատ արձակելու՝ անձեռնմխելիության հիմքով:
Ակտիվիստներն ասացին, որ իրենց ստորագրահավաքը պետք է իրավական գնահատական ու հետեւանք ունենա: Նրանք հենց Հանրապետության հրապարակում սկսեցին ստորագրություններ հավաքել քաղաքացիներից: Ցույցի մասնակից, ստորագրահավաքը կազմակերպող իրավաբան Վահե Գրիգորյանն ասաց, որ իրենք չեն ցանկացել տապալել Քոչարյանի մամուլի ասուլիսը, ցանկացել են ներկա գտնվել եւ լսել, որը իրենց թույլ չեն տվել, դրա համար էլ այլ մուտքով են մտել:
Ակտիվիստ Դավիթ Պետրոսյանն ասաց, որ այսօրվա ցույցը նախօրոք պլանավորած չի եղել, ՀՀ քաղաքացիներն ինքնակազմակերպվել են. «Մենք ցանկանում էինք ցույց տալ, որ հեղափոխության ժամանակ հնչեցված արժեքները, սկզբունքները շարունակում են ՀՀ-ում մնալ արդիական ու մենք շարունակելու ենք դրանք պաշտպանել: Եթե իշխանությունները կաշկանդված են իրենց լիազորություններով, ՀՀ-ում կան քաղաքացիներ, ովքեր կաշկանդված չեն ինչ-որ լիազորությունների շրջանակով, մենք պատրաստ ենք մեր աջակցությունը ցույց տալ՝ արդարադատության կայացման համար: Ակցիան նպատակ ուներ ցույց տալ Ռոբերտ Քոչարյանին, որ իր պաշտոնավարման ժամանակ տեղի ունեցած ոճրագործությունները չեն մոռացվել: Մենք ցանկացանք եւս մեկ անգամ հիշեցնել, որ մարդասպանը ՀՀ-ում ժողովրդին ասելիք չունի: Մենք մեր նպատակին հասանք: Այսօրվա ակցիայի նպատակը մամուլի ասուլիսը տապալելն էր, ասուլիսը տապալված է»:
Դավիթ Պետրոսյանը հորդորում է Քոչարյանին այս պարագայում իրեն առաջադրված մեղադրանքին պատասխանել ինքնախոստովանանքով. «Թող թողնի, որ ՀՀ ժողովուրդը վայելի սեփական հաղթանակը եւ երկիրը զարգանա»:
Նա խորհուրդ տվեց Քոչարյանին՝ «Մենք շատ լավ մշակույթ ունենք Հայաստանում՝ լայվերի մշակույթը, թող Ռոբերտ Քոչարյանը live մտնի, ասի իր կարծիքը, մենք կհետեւենք քոմենթներին»:
Ըստ ակտիվիստ Լեւոն Զաքարյանի, մարդասպանը Հայաստանում ասուլիսի իրավունք չունի, ունի միայն վերջին խոսքի իրավունք:
Ակտիվիստներից ոմանք առավել անհանդուրժող էին, նրանք գտնում էին, որ Քոչարյանն իրավունք չունի շնչելու այն օդը, որը շնչում է Հայաստանի ազատ քաղաքացին. «Նրա արյունոտ տասնամյակի զոհերի համար ինքը դեռեւս պատասխան չի տվել, ինքն իրենից վտանգ է սպառնում, ՀՔԾ-ի որոշումը արդարացի էր, նրան չպետք է ազատ արձակեին»:
https://youtu.be/8kXH1aidt5I
https://youtu.be/kmK83Y6qfOI
https://youtu.be/IWVSAeZ2pK8
https://youtu.be/RDOlw9JHvhM
Հռիփսիմե ՋԵԲԵՋՅԱՆ
Երևան,11 հունվարի 1998 թ. ՆՀ-207
Ռոբի հրամանով,Ազարյան Ալեքսանդր Ռոբերտի նշանակել է ՀՀ նախագահի աշխատակազմի, արդարադատության խորհրդի աշխատակազմի գլխավոր մասնագետ:
Ազարյան Ալեքսանդր Ռոբերտի,խաղտել է ՀՀ քրեական օրենսգրքի 308-րդ հոդվածի 1-ին մասը որտեղ, բաց թողնելով ազատության մեջ Մարտի 1-ի դեպքերի կազմակերպիչ,խմբային շահերից ելնելով, նշված հանցագործության դեպքը թաքցնելու,միջոցներ չեն ձեռնարկել դրանք բացահայտելու ուղղությամբ՝ էական վնաս պատճառելով ՀՀ քաղաքացիների և պետության օրինական զարգացման շահերին:
Իսկ դա նշանակում է որ 11 հունվարի 1998 թ. ՆՀ-207 հրամանի լավութան դիմաց ազատություն է մատուցում Ռոբին:
Սրան էլ պետք է կանչվի պատասխանատվության:Այն էլ շատ խիստ ձեվով իսկ Ռոբին այլեվս բռնել չի լինի,նա արդեն Վլադիմիր Վլադիմիրովիչի հովանու տակ է ինչպես Ուկրաինայի նախկին քռնապետն:
Նա, Ազարյան Ալեքսանդրը նույնպես անցավ ժողովրդի հսկողության տակ:
ՀՊԿ Հայկական Պետությունների Կուսակցություն