«Լեւոն Տեր-Պետրոսյանի հանդեպ մեկ գործողություն կարող է լինել՝ հուշարձանի տեղադրում, որովհետեւ նա անկախության հանրաքվե է անցկացրել ու ստացել ժողովրդի մեծամասնության ձայնը»,-«Հայելի» մամուլի ակումբում այսօր անդրադառնալով հարցին, թե իր դիտարկմամբ՝ Մարտի մեկի գործով Ռոբերտ Քոչարյանի կալանավորումից հետո Սերժ Սարգսյանի եւ Լեւոն Տեր-Պետրոսյանի դեմ ինչպիսի իրավական գործընթաց կարելի է կանխատեսել, ասաց նախկին Գերագույն խորհրդի պատգամավոր Ազատ Արշակյանը:
«Տեր-Պետրոսյանն Ալիեւին ստորագրել է տվել ազատագրված Արցախի կարգավիճակը»,-ՀՀ առաջին նախագահի վերաբերյալ հավելեց Ազատ Արշակյանը:
Ինչ վերաբերում է երրորդ նախագահ Սերժ Սարգսյանին, ապա նա նշեց. «Այդ Սերժ Սարգսյանն արյուն չթափեց, «անարյունը» Նիկոլ Փաշինյանին չի վերաբերում (նկատի ունի ՀՀ-ում տեղի ունեցած անարյուն իշխանափոխությունը)»: Ըստ Արշակյանի՝ Սերժ Սարգսյանի արածի գինն այն է, որ ներկայիս իշխանությունը մատների արանքով նայի նրա կատարածներին, աչք փակի նրա նախորդ արարքների վրա:
https://www.facebook.com/aravot.am/videos/253941841770534/
Լուիզա ՍՈՒՔԻԱՍՅԱՆ
