«Փոքր-ինչ դժվարանում եմ այդ հանդիպման կազմակերպումը պատկերացնել, որովհետեւ ԱՄՆ նախագահի օրակարգն այդ գագաթաժողովի շրջանակում չափազանց հագեցած է լինելու»,-«Հայելի» մամուլի ակումբում այսօր լրագրողների հետ հանդիպմանն անդրադառնալով սեպտեմբերին ՄԱԿ-ի գլխավոր ասամբլեայի գագաթաժողովի շրջանակում նախատեսվելիք Նիկոլ Փաշինյան-Դոնալդ Թրամփ հնարավոր հանդիպմանը, ասաց ԱՄՆ-ի հարցերով փորձագետ Սուրեն Սարգսյանը: Նա կարծում է, որ այդ հանդիպումը գուցե կյանքի կոչվի հոկտեմբերին կամ նոյեմբերին:
«Դա կլինի պատմական հանդիպում, որովհետեւ վերջին անգամ ՀՀ-ի եւ ԱՄՆ-ի առաջնորդները հանդիպել են 2010թ.-ին, բայց այդ ժամանակ Օբամայի եւ Սերժ Սարգսյանի քննարկման առարկան հայ-թուրքական արձանագրություններն էին»,-նկատեց փորձագետը:
Ըստ նրա՝ Փաշինյան-Թրամփ հնարավոր հանդիպումը պատմական կլինի նաեւ այն առումով, որ հայկական կողմը գուցե օրակարգային նոր հարցեր առաջադրի ԱՄՆ-ին՝ երկկողմ հարաբերությունների զարգացման համար. «Այսօր ՀՀ-ԱՄՆ հարաբերությունների որակն այնքան էլ բարձր չէ: Եթե չեն լինում բարձր մակարդակի հանդիպումներ, նշանակում է՝ չկան կենսական նշանակության հարցեր»:
https://www.facebook.com/aravot.am/videos/2011915428858962/
Լուիզա ՍՈՒՔԻԱՍՅԱՆ
