Վերջին մեկ օրում երկրորդ ինքնասպանության դեպքն է գրանցվել «Արմավիր» ՔԿՀ-ում։ Ըստ մեր տեղեկությունների՝ օգոստոսի 12-ին՝ առավոտյան, ինքնասպան է եղել 5-րդ մասնաշենքի դատապարտյալներից մեկը՝ Համլետ անունով։
Ըստ մեր աղբյուրի՝ վերջինս խցում միայնակ չէր ապրում ու երբ առավոտյան խցակիցը դուրս է եկել զբոսանքի, ինքը հրաժարվել է զբոսանքից։ Մնալով խցում մենակ՝ Համլետը սավանի միջոցով կախվել էր մահճակալից։ Նա դատապարտվել էր 13 տարվա ազատազրկման անչափահասի հետ անառակաբարո գործողություններ կատարելու համար։ Սակայն նա դժգոհ էր վճռից՝ անընդհատ բողոքում էր՝ խնդրելով վերանայել այն։
Նշենք, որ ի նշան բողոքի՝ ինքնասպան եղած դատապարտյալը պարբերաբար ինքնավնասման էր դիմում։ Հիշեցնենք, որ երեկ՝ օգոստոսի 11-ին, նույն մասնաշենքում ինքնասպանություն էր գործել ազգությամբ գնչու, Մոլդովայի քաղաքացի 42-ամյա Վ.Գ.-ն։
Դավիթ ԱՐՄԵՆՅԱՆ
