Գրականագետ Դավիթ Գասպարյանը Նիկոլ Փաշինյանի պաշտոնավարման 100-օրյակը դրական է գնահատում: «Ինչքան կեղտ, աղետ ու նստվածք կա մեր երկրում: Մաքրման գործընթացում ենք: Որտեղ մտնում են՝ մի զինանոց կա…զենքի պահեստ են դարձրել երկիրը: Մի խոսքով, ողջունում եմ վարչապետի 100-օրյակը:
Ցանկանում եմ, որ դառնա հարյուր ամյակ»,-«Տեսակետ» մամուլի ակումբում այսօր լրագրողների հետ հանդիպմանն ասաց նա: Դավիթ Գասպարյանը նոր կառավարության ուշադրությունը հրավիրում է հետեւյալ խնդիրների վրա. «Թատրոնների դահլիճները պարապ են՝ մի շնորհքին ներկայացում չկա: Նույնը թանգարաններին եւ համերգասրահներին է վերաբերում: Գիտության ոլորտում ի՞նչ առաջընթաց ունենք: Չունենք…Գիտությունը վաճառքի է հանվում, ատենախոսությունները փողով են գրվում: Գիտության դոկտորներ են գիտության հետ կապ չունեցող պաշտոնյաներ»:
Իսկ Երեւանի քաղաքապետին, որն առաջիկայում պետք է ընտրվի, Դավիթ Գասպարյանն առաջարկում է պատվավոր քաղաքացու կոչում շնորհելու ինստիտուտը վերանայել. «Երեւանի պատվավոր քաղաքացու կոչում են ստանում նրանք, ովքեր գյուղում անպատվաբերի համբավ ունեն»:
«Երեք նախագահ ենք ունեցել, բայց տխուր հայացքով եմ նայում անցյալին: Կորցրինք վաղվա օրվա հեռանկարը, տնտեսությունը եւ գիտությունը քայքայվեցին: Ամեն ինչ ռաբիս է դարձել՝ գիտությունը, մշակույթը, թատրոնները: Ամենաաղետալին այն է, որ պետական հարստությունը սեփականաշնորհեց: Թալան, մութ, ցուրտ…»,-ամփոփելով Հայաստանի նախորդ տարիների կյանքը՝ նշեց Դավիթ Գասպարյանը: «Իսկ երկրորդ եւ երրորդ նախագահների օրոք ՀՀ-ն «ղարաբաղիզացվեց». ով Ղարաբաղից էր՝ պաշտոնյա էր դառնում: Մասնագետը պետք է լինի իր պաշտոնին, ոչ թե ապարանցին կամ ղարաբաղցին: Կադրային քաղաքականությունը տանուլ ենք տվել»:
https://www.facebook.com/aravot.am/videos/2129353653749805/%C2%A0
Լուիզա ՍՈՒՔԻԱՍՅԱՆ
Ապրեք: Մասնագետը կամ պաշտոնատար անձը իր գիտելիքներով ու ունակությունների չափորոշիչները պետք է որոշիչ լինի, այլ ոչ թե <> կամ ԽԾԲ [ Խնամի Ծանոթ Բարեկամ] լինելով:
Այսինքն, հիմա Հայաստանից եթե գալիս են Ղարաբաղ աշխատելու, ապրելու, ապա պետք է դա անվանել հայաստանիզացում?: Ու եթե այո, ապա ինչ միջոցներ է առաջարկում ձեռք առնել հայաստանիզացման դեմ «ղարաբաղիզացում» տերմինի հեղինակը?
Ծանոթանալով այս մարդու անցյալի հետ պետք է ասել, որ նա իրավունք չունի նման գնահատականներ տալու: Նա դրա իրավունքը պարզապես չի վաստակել: Փորձում է պղտոր ջրում ինչ որ բան որսալ: