Այսօր ՀՀ վերաքննիչ քրեական դատարան էր եկել «Երկիր Ծիրանի» կուսակցության նախագահ Զարուհի Փոստանջյանն`իր մի քանի կուսակիցներով: Նա ցանկանում էր մասնակցել Ռոբերտ Քոչարյանի կալանքը գրավով փոխելու դատական նիստին: Երկար ժամանակ դատական կարգադրիչները փորձում էին Զարուհի Փոստանջյանին համոզել-բացատրել, որ նիստը փակ է եւ ոչ ոք չի կարող ներկա գտնվել: Տեղում, Զարուհի Փոստանջյանը փոխեց որոշումը: Ասաց`կմասնակցի այն նիստին, որը բաց է: Նման նիստ չկար այդ պահին:
Մանրամասները` տեսանյութում
Ի վերջո, Զարուհի Փոստանջյանը մտավ դատական նիստերի նախասրահ, նրա կուսակիցները պաստառներ պարզեցին`«Ռոբերտ Քոչարյանի տեղը բանտախուցն է» մակագրությամբ:
Իսկ տիկին Փոստանջյանն էլ հայտարարեց, որ սպասելու են՝ տեսնեն, թե ինչպես են Ռոբերտ Քոչարյանին դատարանի դահլիճից կրկին կալանավայր տեղափոխում: Նա չի բացառում, որ դատարանը որոշի անգամ գրավի դիմաց ազատ արձակել Ռոբերտ Քոչարյանին: Բայց ինքը գտնում է, որ Սերժ Սարգսյանն է պետք է հայտնվի մեղադրյալի աթոռին, Ռոբերտ Քոչարյանի մեղադրանքը պետք է ընդլայնվի, Լեւոն Տեր-Պետրոսյանն էլ գոնե իբրեւ վկա պետք է հարցաքննվի, հարցաքննության պետք է կանչվի նաեւ Նիկոլ Փաշինյանը:
Այլ մանրամասները` տեսանյութում
Նելլի ԳՐԻԳՈՐՅԱՆ
