«Հանդիպել եմ ոստիկանապետ Վալերի Օսիպյանին: Նա ասել է, որ իր պրակտիկայում նման դեպք չի եղել: Անգամ պատճառ չկա, որի հետքերով կարող են ոստիկանները գնալ»,-«Բլից ինֆո» մամուլի ակումբում այսօր լրագրողների հետ հանդիպմանը հայտարարեց հունիսին կորած եւ մինչ օրս ոստիկանության կողմից որոնվող 14-ամյա Հայկ Հարությունյանի մայրը՝ Այնթափի բնակիչ Հասմիկ Հարությունյանը: Հիշեցնենք, որ երեխան աուտիզմ ունի:
Մայրն անդրադարձավ հանրության շրջանում իր հասցեին հնչող մեղադրանքներին:
«Խոսում են, թե երեխայիս գլուխը կերել եմ, բայց խիղճս մաքուր է, ինչ ուզում են՝ թող խոսեն, ինձ էլ չի հետաքրքրում, էլ ուշադրություն չեմ դարձնելու: Եթե ոստիկանությունը կասկածեր, որ ես կամ նրա հայրը ինչ-որ բան ենք արել, ես այստեղ չէի լինի»,-վստահեցրեց տիկին Հասմիկը:
Նա նշեց, որ մեծ դժվարությամբ է խնամում երեխաներին. մյուս երեխան՝ աղջիկը, եւս աուտիզմ ունի. «Տունը խոնավ է, բորբոսնած, առվի ջուրը պարբերաբար ներս է լցվում: Բավական է մեր տուն այցելել՝ հասկանալու համար, թե ինչ վիճակում ենք ապրում»:
https://www.facebook.com/aravot.am/videos/2127442517274252/%C2%A0
Լուիզա ՍՈՒՔԻԱՍՅԱՆ
