Անդրադառնալով իր` վերջերս արած այն հայտարարությանը, թե էական չէ իր հետ ով` ինչքան սուրճ է խմել, միեւնույն է` դա որեւէ հանգամանք չի փոխելու ՀՀ վարչապետի տիկին Աննա Հակոբյանը օգոստոսի 7-ին կայացած ասուլիսում ասաց. «Աշխատանքի դիմումներ չեմ ստանում եւ, ըստ էության, իմ ելույթը իր նպատակին ծառայել է, ինչ խնդիր դրել էի իմ առաջ, հասել եմ այդ խնդրին: Աշխատանքի դիմումներ ստանում եմ տասնյակներով, ամեն օր, բայց դրանք ոչ թե ինձ հետ սուրճ խմած մարդկանցից են, այլ քաղաքացիներից»
Վարչապետի տիկինը նման խնդրանքներն իր աշխատանքի ամենացավոտ կողմը որակեց. «Ոչնչով չես կարող մարդուն օգնել, բայց նա հույսով քեզ է դիմում, խնդրում է, որ իր համար որեւէ աշխատանք գտնես: Իմ պատասխանն էլ նման դեպքերում այն է, որ ես հենց հիմա պետք է նստեմ համակարգչի դիմաց, մտնեմ տարբեր կայքեր եւ փորձեմ իրենց համար հարմար աշխատանք գտնել, քանի որ որեւէ այլ կերպ որեւէ մեկի համար չեմ կարող աշխատանք գտնել: Հույս ունեմ, որ կառավարությունը միջոցներ կձեռնարկի, շուտով աշխատատեղեր կավելանան»:
Գոհար ՀԱԿՈԲՅԱՆ
