«Չգիտեմ, թե ինչու է Լավրովն այդպես գտնում, բայց ՀՀ նոր իշխանությունները երբեւէ չեն հայտարարել, թե հանցագործությունները չեն բացահայտվելու: Նրանք ասել են՝ «վենդետա» չի լինելու, այսինքն՝ չի լինելու արտադատարանական վրիժառություն եւ հաշվեհարդար»,-«Առավոտ»-ի հետ զրույցում անդրադառնալով ՀՀ երկրորդ նախագահ Ռոբերտ Քոչարյանի կալանավորման վերաբերյալ Ռուսաստանի արտաքին գործերի նախարար Սերգեյ Լավրովի հայտարարությանը, թե «ՀՀ-ի իրադարձությունները հակասում են երկրի նոր ղեկավարության հայտարարություններին այն մասին, որ իրենց նախորդները քաղաքական հետապնդումների չեն ենթարկվի»՝ ասաց քաղաքագետ Արա Պապյանը: Նրա բնորոշմամբ՝ տասը տարի հասարակության շրջանում եղել է Մարտի 1-ի գործի բացահայտման պահանջ, ուստի իշխանություններն իրականացնում են բացահայտմանն ուղղված քայլեր. «Քանի որ 2008թ. նախագահը եւ գերագույն գլխավոր հրամանատարը եղել է Ռոբերտ Քոչարյանը, նրան կանչել են, հարցաքննել ու «մեկուսացրել», որպեսզի նա չազդի հետագա հետաքննության վրա»:
Շարունակությունը՝ էջ 2
Լուսանկարը՝ Լուիզա ՍՈՒՔԻԱՍՅԱՆԻ
«Առավոտ» օրաթերթ,
02.08.2018
