Հուլիսի 9-ին հրաժարական տվեց Երեւանի քաղաքապետ Տարոն Մարգարյանը: Անցել է ավելի քան 15 օր, սակայն քաղաքապետարանի պաշտոնական կայքի համաձայն, Երեւանի քաղաքապետը Տարոն Մարգարյանն է:
Այս ամենը կարող է որակվել.
1. Պաշտոնական կեղծիք. ՀՀ քրեական օրենսգրքի 314 հոդված. Պաշտոնատար անձի կողմից շահադիտական նպատակով կամ անձնական այլ դրդումներով կամ խմբային շահերից ելնելով՝ պաշտոնական փաստաթղթերում ակնհայտ կեղծ տեղեկություններ կամ գրառումներ մտցնելը, կեղծում, քերվածք կամ այլ թվական գրառումներ կամ փոփոխություններ կատարելը, ինչպես նաև կեղծ փաստաթղթեր կազմելը կամ հանձնելը: Պատիժը՝ տուգանք կամ առավելագույնը չորս տարի ազատազրկում:
2. Պաշտոնական անփութություն. ՀՀ քրեական օրենսգրքի 315 հոդված. Պաշտոնատար անձի կողմից ծառայության նկատմամբ անբարեխիղճ կամ անփույթ վերաբերմունքի հետևանքով իր պարտականությունները չկատարելը կամ ոչ պատշաճ կատարելը, որն անզգուշությամբ էական վնաս է պատճառել անձանց կամ կազմակերպությունների իրավունքներին ու օրինական շահերին կամ հասարակության կամ պետության օրինական շահերին: Պատիժը՝ տուգանք կամ առավելագույնը հինգ տարի ազատազրկում:
Նելլի ԳՐԻԳՈՐՅԱՆ
«Առավոտ» օրաթերթ,
01.08.2018
