Խորհրդարանական ուժերից ձեւավորված ԱԺ աշխատանքային խումբն արդեն կառավարությանն է ներկայացրել «Ընտրական օրենսգրքում» փոփոխությունների վերաբերյալ վերջնական հայեցակարգը՝ փաթեթը, եւ այնտեղ ռեյտինգային ընտրակարգը պահպանելու առաջարկ ներառված չէ: Այսինքն՝ միանշանակ է, որ գործող ընտրակարգը չի պահպանվելու: «Առավոտը» ԱԺ փոխնախագահ Էդուարդ Շարմազանովին հարցրեց՝ ՀՀԿ-ն ռեյտինգայինի ջատագովն ու աջակիցն էր, ու հիմա կառավարությանն ուղարկված փաթեթում ռեյտինգայինի մասին առաջարկ անգամ չկա, ինչպե՞ս կմեկնաբանեք, պատասխանեց. «Ելքն էլ Եվրասիականին դեմ էր, հետո՞»: Էդուարդ Շարմազանովն ասաց, որ «Ընտրական օրենսգրքի» նախագծի մշակման աշխատանքներում ներգրավված են ՀՀԿ-ից Դավիթ Հարությունյանը, Վիգեն Սարգսյանն ու Արփինե Հովհաննիսյանը:
«Առավոտ» օրաթերթ,
01.08.2018
