Պարզվում է՝ երեկ ՀՀ երկրորդ նախագահ Ռոբերտ Քոչարյանի շահերի պաշտպանները դատարանին ներկայացրել են նրա խափանման միջոց կալանքը փոխելու միջնորդություն, որը, սակայն, մերժվել է: Այս մասին այսօր լրագրողների հետ հանդիպմանը հայտարարեց Ռոբերտ Քոչարյանի փաստաբաններից Ռուբեն Սահակյանը: «Գումարի թիվը չեմ բացահայտի: Այն մեծ է, բայց ոչ առասպելական»,-նշեց պաշտպանը՝ ասելով, որ դատարանը չի պարզաբանել, թե ինչու է մերժում իրենց միջնորդությունը: Հիշեցնենք, որ ՀՀ պաշտոնաթող նախագահը կալանավորվել է երկու ամսով:
Ապա Ռուբեն Սահակյանը հայտնեց, որ Ռոբերտ Քոչարյանը գիրք է գրում, որն առաջիկայում հրատարակվելու է. «Դրանում նա գրել է նաեւ, որ պաշտպանության նախարար Միքայել Հարությունյանի գործողություններում չկան օրենքի խախտման հատկանիշներ»: Այլ տվյալներ փաստաբանը չբացահայտեց:
Հիշեցնենք, որ Ռոբերտ Քոչարյանին եւ Պաշտպանության նախկին նախարար Միքայել Հարությունյանին (Մարտի մեկի դեպքերի ժամանակ նա այդ պաշտոնն էր զբաղեցնում) առաջադրված է Սահմանադրական կարգը տապալելու մեղադրանք:
Ինչ վերաբերում է Ռոբերտ Քոչարյանի դեմ հարուցված քրեական գործի հետագա «ճակատագրին», փաստաբանը կարծիք հայտնեց. «Նա արդարացվելու է, չկասկածեք՝ տարիներ հետո»:
Լուիզա ՍՈՒՔԻԱՍՅԱՆ
