Հուլիսի 28-ին, ժամը 2.30-ին, ոստիկանության Դիլիջանի բաժնի ծառայողները, շրջագայություն կատարելու ժամանակ, Դիլիջանի ոլորաններում նկատել են ակնհայտ փայտանյութով բարձված «Ֆորդ Տրանզիտ» մակնիշի ավտոմեքենա, որի վարորդը` 1991 թ. ծնված Սամվել Մ.-ն համապատասխան փաստաթուղթ չի ներկայացրել: Օրինականությունը ստուգելու նպատակով ավտոմեքենան տեղափոխվել է բաժնի հատուկ պահպանվող տարածք:
Սամվել Մ.-ն բացատրություն է տվել, որ ավտոմեքենայում առկա մոտ 2 խմ տարբեր տրամաչափի փայտանյութը պատկանում է իրեն. հուլիսի լույս 28-ի գիշերը «Դիլիջան ազգային պարկ» ՊՈԱԿ «Դիլիջան տեղամաս» մասնաճյուղի 10-րդ պահաբաժնի տարածքից ապօրինի հատել է տարբեր տրամագծերի 2 սոճի և 1994 թ. ծնված Սարիկ Ս.-ի օգնությամբ բարձել ավտոմեքենան:
Վնասի չափը պարզվում է:
Նշանակվել է մասնագիտական ստուգում:
Կատարվում է քննություն:
ՀՀ ոստիկանություն
